एनडिए सम्बाददाता, ललितपुर जिल्ला ब्यापी दोश्रो रनिङ्ग शिल्ड नृत्य प्रतियोगिता-२०८२ सम्पन्न भएको छ।
नृत्य निर्देशक संघ नेपाल ललितपुर जिल्ला शाखा र युनिक एकेडेमी कलेजले संयुक्त रुपमा आयोजना गरिएको कार्यक्रममा ललितपुर जिल्ला भित्रको करिव २ दर्जन भन्दा बढी बिद्यालय सहभागी भएको थियो।
बालकुमारी स्थित ज्यापू समाजको भवनमा आयोजित कार्यक्रममा नृत्य निर्देशक संघ नेपाल ललितपुरका अध्यक्ष प्रदिप रमन सिं डङ्गोल ज्युको सभापतित्वमा कार्यक्रम सम्पन्न भएको हो।
ललितपुर महानगरपालीकाको नगर प्रबक्ता एवम वडा नम्बर ९ का वडाध्यक्ष राजु महर्जनको प्रमुख आतिथ्यमा आयोजित कार्यक्रममा नेपाल सङ्गीत तथा नाट्य प्रज्ञा प्रतिष्ठान द्वारा सम्माननिय राष्ट्रपती रामचन्द्र पौडेलको बाहुलीबाट प्रदान गरिने “राष्ट्रिय सङ्गीत नाट्य प्रज्ञा पुरस्कार” नृत्य बिधाबाट अक्षेरेपी रु एक लाख धन राशी सहित सम्मानीत हुनुभएको नृत्य निर्देशक संघ नेपालको केन्द्रीय अध्यक्ष भुवन दास श्रेष्ठ ज्युलाइ पनि सम्मान गरिएको हो।
कार्यक्रममा अतिथीको रुपमा नृत्य निर्देशक संघ नेपालका केन्द्रीय सचिव रबि राना मगर, केन्द्रीय सह-कोषाध्यक्ष केशव कोइराला, सदस्य कृष्ण रसाल, काठमाडौं जिल्ला उपाध्यक्ष छिरिङ लामा, भक्तपुर जिल्ला अध्यक्ष नारायणी थापा मगर, नेशनल डाइनामिक आर्ट्स प्रा.ली. का अध्यक्ष देवराज गुरुङ, डि-डान गोकर्णेस्वरका अध्यक्ष बाबू सेञ्चुरी, चन्द्रागिरी नगर कमिटी अध्यक्ष कृष्ण राना मगर, नागार्जुन अध्यक्ष राज श्रेष्ठ, उपाध्यक्ष सरोज तामाङ, सचिव खेम मगर, सन्देश तामाङ लगायत उपस्थिति थियो।
वरिष्ठ नृत्य निर्देशक याम गुरुङ, सङ्गीता खड्गी र डिडान चितवनका निवर्तमान अध्यक्ष रेनु तामाङ निर्णायक रहेको नृत्य प्रतियोगितामा प्रथम स्थान ओमेगा सेकेण्डरी स्कुल, द्वितीय इन्द्रेणी सेकेण्डरी इङलिस स्कुल, तेश्रो स्थान पारिजात इङलिस स्कुलले हात पार्न सफल भयो। यसै गरि चौथो र पाचौ स्थान क्रमशः आदर्श बिध्या सदन र विलियम पब्लिक स्कुलले जित्न सफल भयो।
नृत्य निर्देशक संघ नेपाल ललितपुरकी सचिव मिनर्वा शर्मा राजोपाध्यायले सञ्चालन गरिएको नृत्य प्रतियोगितामा बिजेता बिध्यालयहरुलाइ युनिक एकेडेमी कलेजको प्रीन्सिपल राजेश महर्जन र कार्यक्रम सभापती प्रदिप रमन सिं डङ्गोलज्युले संयुक्त रुपमा ट्रफी, मेडल र प्रमाण पत्र प्रदान गरिएको थियो।
