काठमाडौं, नृत्य क्षेत्रका युवा बर्गहरुबाट निर्माण भएको “युवा नृत्य संघ नेपाल” समुहबाट बाढी तथा पहिरो पिडितहरुको लागि सहयोग संकलन अभियान सुरु गरिएको छ।
युवा नृत्य संघ नेपाल नामक फेसबुक पेज खोलेरै गरिएको अनुरोधलाइ साथ दिदै अहिले सम्म दर्जन भन्दा धेरै नृत्य निर्देशक/कलाकारहरुबाट सहयोग संकलन हुन थालिएको सहयोग संकलन अभियानका संयोजक दिवस गिरीले जानकारी गराउनुभयो। हामीले नृत्य क्षेत्रमा काम गर्ने संघ सस्था, बिभिन्न ब्यक्ती हरुलाइ प्रत्यक्ष/अप्रत्यक्ष रुपमा खबर गरिसकेको संयोजक गिरीले बताउनुभयो।
यस अभियानको संयोजकमा दिवस गिरी, आर्थिक संयोजकमा चुडामणी फुयाल अन्य सदस्यहरुमा देवराज गुरुङ, अबि वाग्ले, राज शेर्मा, पारस बास्तकोटी, दिलु सुनार, रोशन गहतराज, सुरज थापा मगर र देशै भरिबाट युवा नृत्यकारहरुको सहभागी रहेको पनि जानकारी गराउनुभयो। संकलित रकम धेरै प्रभावित क्षेत्र पहिचान गरि वास्तविक पिडितहरु समक्ष पुग्ने गरि काम गर्ने पनि बताउनुभयो।
