Post Views: 149
काठमाडौं, गत कार्तिक २ गते सहकारीको रकम अपचलनमा प्रहरीले नियन्त्रण गरेको राष्ट्रिय स्वतन्त्र पार्टी (रास्वपा)का सभापति रबि लामिछानेले आफ्नो आत्मबल अझै कायम रहेको बताएका छन्।
सुप्रीम सहकारी ठगी प्रकरणमा रुपन्देहीस्थित सरकारी वकिलको कार्यालयमा बयान दिएर बाहिरिने क्रममा उनले प्रहरी हिरासतमै रहेपनि जोशजाँगरमा भने कमी नआएको बताएका हुन्। प्रहरीको घेराबीच उनले सञ्चारकर्मीतर्फ फर्केर भने, ‘खोरमा थुनिँदैमा बाघ स्याल हुँदैन।
करिब चार घण्टा उनीसँग बयान लिइएको हो।बयानपछि उनलाई मंगलबार जिल्ला प्रहरी कार्यालय रुपन्देहीको हिरासतमा राखिने भएको छ। जहाजमार्फत् उनलाई दिउँसो पोखराबाट बुटवल लगिएपनि साँझ परेकाले रुपन्देही प्रहरीकै हिरासत राखिने भएको सुरक्षा अधिकारीले बताएका छन्।
