काठमाडौं, अल्पाइन एकेडेमीको २८औं स्थापना दिवसको पूर्वसन्ध्यामा अल्पाइन एकेडेमीको आयोजना तथा राष्ट्रिय संस्थागत विद्यालय सङ्घ नेपाल निशान समन्वयमा दोस्रो राष्ट्रिय गीत एकल गायन प्रतियोगिता सव्य एवं भव्यताका साथ सु-सम्पन्न भएको छ ।
कागेश्वरी मनोहरा नगरपालिका, गोकर्णेश्वर नगरपालिका तथा शङ्खरापुर नगरपालिकाका २३ वटा संस्थागत विद्यालयहरूको सहभागितामा आयोजित प्रतियोगितामा गणेश हिमाल मा.वि., मूलपानी कि छात्रा सुदिन लामा प्रथम, दी. सेलिब्रेसन को. एड. की छात्रा रितिका थापा द्वितीय, विद्यार्जन इङ्लिस स्कुलकी स्वेच्छा आचार्य तृतीय र बायोका सामुदायिक विद्यालयका छात्र डेनिस सुनुवार चतुर्थ स्थान प्राप्त गरी सान्त्वना पुरस्कार प्राप्त गर्न सफल हुनुभएको छ।
सबै नानीबाबुहरुको गायन प्रस्तुति अत्यन्त आकर्षक रहेको थियो ।
अल्पाइन एकेडेमीका व्यवस्थापन समितिका अध्यक्ष केशवप्रसाद ढकालज्यूको सभापतित्वमा भएको कार्यक्रममा २३ वटा विभिन्न विद्यालयका प्रतिस्पर्धी नानीबाबुहरुले राष्ट्रिय भावनाले ओतप्रोत भएका विभिन्न गीतहरु गाउनुभएको थियो।
कार्यक्रममा विद्यालयका संस्थापक प्राचार्य अनन्तराम ढकालज्यूले २८औं वसन्त पार गरिरहँदा अल्पाइनले अनेक आरोह र अवरोह पार गर्दै आजसम्म आइपुगेको र शैक्षिक उन्नयनमा काठमाडौँको पूर्वी क्षेत्रमा अत्यन्त सह्रानीय कर्म गरिरहेको कुरा बताउनुभएको थियो। त्यसैगरी कार्यक्रमका प्रमुख अतिथि वडा नम्बर ४ का वडाध्यक्ष विजय श्रेष्ठले अल्पाइन एकेडेमीलाई यस क्षेत्रको एउटा नमूना विद्यालय रहेको र यसले यस क्षेत्रको शैक्षिक उन्नयनमा अत्यन्त महत्वपूर्ण काम गरिरहेको सन्दर्भ निकाल्दै धन्यवाद ज्ञापन गर्नुभएको थियो।
हरेक वर्ष आयोजना गर्ने अठोटका साथ गतवर्षबाट सुरु गरिएको यस राष्ट्रिय गीत एकल गायन प्रतियोगितामा विभिन्न विद्यालयका नानीबाबुहरुले अत्यन्त मिठा र सुमधुर नेपाली देशभक्ति भावनाले ओतप्रोत भएका गीतहरु गाउनुभएको थियो।
कार्यक्रममा निर्णायकको भूमिकामा वरिष्ठ संगीतकार कैलाश राई र युवा पुस्ताकी मन मस्तिष्कमा बस्न सफल गायिका मनिषा पोखरेलले गर्नुभएको थियो।
कार्यक्रमको अन्त्यमा गायिका पोखरेलले अत्यन्त सुमधुर स्वरका साथ आफ्ना केही गीतहरू पस्किँदै नानीबाबुहरु लगायत उपस्थित सबैलाई भरपुर मनोरञ्जन गराउनुभएको थियो।
कार्यक्रमको अन्त्यमा सभापति विद्यालय व्यवस्थापन समितिका अध्यक्ष केशवप्रसाद ढकालज्यूले कार्यक्रमलाई सफल बनाउन हर तरहले साथ र सहयोग गर्नुहुने सबै तह र तर्काका सम्पूर्णमा धन्यवाद ज्ञापन गर्नुभएको थियो। साथै आगामी वर्ष पनि सबैबाट यस्तै साथ अनि सहयोगको अपेक्षा रहेको छ भन्नुभएको थियो।
