काठमाडौं, अल्पाइन एकेडेमीको २८ औं अभिभावक दिवस कागेश्वरी मनोहरा नगापालिकाका नगर प्रमुख श्री उपेन्द्र कार्कीज्यूको प्रमुख अतिथ्यमा फाल्गुन १५ गते सव्य एवं भव्यताका साथ सु-सम्पन्न भएको छ । समारोहमा विशिष्ट अतिथिका रुपमा वरिष्ठ लोक गायक श्री कुमार बस्नेत लगायत विभिन्न विद्यालयका अध्यक्षज्यूहरु, प्राचार्यज्यूहरु, लगायत समाजका विभिन्न तहमा रहनु भएका व्यक्तित्वहरु, पूर्व विद्यार्थीहरुको समेत उल्लेख्य उपस्थिति रहेको थियो ।
विद्यालय ब्यवस्थापन समितिका अध्यक्ष श्री केशव प्रसाद ढकालको सभापतित्वमा सम्पन्न भएको कार्यक्रममा कागेश्वरी मनोहरा नगरपालिकाका मेयर श्री उपेन्द्र कार्कीको प्रमुख आतिथ्यता रहेको थियो । कार्यक्रमका प्रमुख आकर्षणका रूपमा बिषेश अतिथिका रूपमा पाल्नुभएका आदरणीय लोक गायक कुमार बस्नेत रहनुभएको थियो । कार्यक्रममा बोल्दै बरिष्ठ लोक गायक बस्नेतले नेपाल रहे हामी नेपाली रहने र नेपाल रहनका लागि आजका यी कोपिलाहरूलाई यही देशको फूलबारीमा खेल्न र फक्रन दिनुपर्ने कुरा राख्नुभएको थियो । पूरा समय कार्यक्रममा रहँदै बिद्यार्थी बाबुनानीहरूको प्रतिभा नियाल्नुभएका बस्नेतले यस्ता कार्यक्रममा आफू बिरलै जाने गरेको र आजको बसाइ निकै यादगारपूर्ण भएको कुरा बताउनुभयो । कार्यक्रमको अन्त्यमा लोक संगीतको क्षेत्रमा उल्लेख्य योगदान पुर्याउनुभएका वरिष्ठ लोक गायक बस्नेतलाई अल्पाइन परिवारले दोसल्ला र कदरपत्र सहित सम्मान गरेको थियो ।
कार्यक्रममा बिध्यालयका नृत्य प्रशिक्षक छिरिङ लामाको कोरियोग्राफीमा साङ्गितिक कार्यक्रम स्वागत नृत्य तर्फ शिव ताण्डप लगायतका विभिन्न जातजातीका लोक नृत्यहरु र सङ्गीत प्रशिक्षक प्रेम कृष्ण बजगाइले विभिन्न गायन प्रस्तुतीले कार्यक्रमलाइ थप रौनक एवम उत्कृष्ट बनाएको थियो।
सभ्य एवं भव्य रुपमा सुसम्पन्न कार्यक्रममा अधिकांस अभिभावकज्यूहरुको उपस्थिति रहेको थियो । कार्यक्रमका प्रमुख अतिथि नगर पिता कार्कीले नानीबाबुहरुलाई राम्रो बनाउन विद्यालय भन्दा पनि घरको भूमिका प्रमुख रहने तथा मोवाइल प्रयोगमा ध्यानदिन सुझाउनु भएको थियो ।साथै उहाँले अल्पाइन एकेडेमी नगरपालिका कै एउटा नमूना विद्यालय रहेको र यसले यस क्षेत्रको शैक्षिक उन्नयनमा अत्यन्त महत्वपूर्ण काम गरिरहेको सन्दर्भ निकाल्दै धन्यवाद ज्ञापन गर्नुभएको थियो ।
कार्यक्रममा विद्यालयका संस्थापक प्राचार्य अनन्तराम ढकालज्यूले उपस्थित सबैमा स्वागत गर्दै २८औं वसन्त पार गरिरहँदा अल्पाइनले अनेक आरोह र अवरोह पार गर्दै आजसम्म आइपुगेको र शैक्षिक उन्नयनमा काठमाडौँको पूर्वी क्षेत्रमा अत्यन्त सह्रानीय कर्म गरिरहेको कुरा बताउनुभएको थियो। साथै समग्र विद्यालयको गतिविधि, आगामि योजना अभिभाववका दायित्व सम्वन्धी आफ्ना विचार राख्नुभयो । कार्यक्रममा विशेष अतिथिका रूपमा नगर शिक्षा शाखाको प्रतिनिधत्व गर्दै उपस्थित हुनभएका वरिष्ठ शिक्षा अधिकृत टेकेन्द्र ढकालले नगरपालकाको मूल लक्ष्य भनेको अधारभूत र माध्यामिक शिक्षामा जीरो एन.नी. रहेको र यस अभियानलाई सार्थक बनाउन संस्थागत विद्यालयले खेलेको भूमिकाको प्रशंसा गर्नुभएको थियो ।
अन्य वक्ताहरूमा विद्यालयका संचालक समिति अध्यक्ष श्री बद्री प्रसाद भट्टराईले अल्पाइन पूर्वी क्षेत्रकै उदहारणीय विद्यालय बन्न लागिपरेको र यसका लागि विभिन्न तवरले काम गरिरको कुरा अभिभावक र विद्यार्थीमाझ राख्नुभएको थियो । विशेष गरि विश्वमा नै जल्दो बल्दो खेलका रूपमा रहेको क्रिकेट अल्पाइनमा नयाँ सोच र जाँगरका साथ प्राक्टिस पिच सहित सुरू गरेको प्रसंग नकाल्दै उहाँले यस खेलको विकास र उत्कृष्ठ खेलाडी उत्पादन गर्न अल्पाइनले हरसम्भव प्रयास गर्ने कुरा सबैमाझ राख्नुभयो ।
साथसाथै अभिभावक प्रतिनिधिका रूपमा आफ्ना कुरा राख्नुभएकी कक्षा १० मा अध्ययनरत छात्रा अस्मिता अधिकारीकी माताश्री तारा अधिकारीले अल्पाइनले विद्यार्थीहरूको पढाईमात्र नभई सर्वाङिण विकासमा अत्यन्त महत्वपूर्ण भूमिका खेलिरहेको र यस विद्यालय साँच्चिकै एक अब्बल विद्यालयरहेको कुरा सबैमाझ राख्नुभएको थियो ।
कार्यक्रमको उद्घोषण विद्यालयका शैक्षिक विभाग प्रमुख चिरञ्जिवी भट्टराईले गर्नु भएको थियो ।सम्मारोहमा अभिभावकहरूको उल्लेख्य सहभागिता रहेको थियो । कक्षा ४ देखि कक्षा १० सम्मका सबै नानीबाबुहरुले आ-आफ्ना ३४ वटा भन्दा बढी स्टेज प्रस्तुतिहरूको रुपमा गायन, नृत्य, सामाजिक सन्देश मूलक नाटक, तेक्वान्दो खेल, लगायत अन्य विविध प्रस्तुतीहरू अभिभावकमाझ प्रस्तुत गर्नुभएको थियो ।
कार्यक्रमको दौरान सभापति विद्यालय व्यवस्थापन समितिका अध्यक्ष केशवप्रसाद ढकालज्यूले कार्यक्रमलाई सफल बनाउन हर तरहले साथ र सहयोग गर्नुहुने सबै तह र तर्काका सम्पूर्णमा धन्यवाद ज्ञापन गर्नुभएको थियो। साथै विद्यालयमा हुने सबै कार्यक्रममा सबै तह अनि तप्काबाट यस्तै साथ अनि सहयोगको अपेक्षा रहेको छ भन्नुभएको थियो।
